Atlantsolía hefur fengið vilyrði fyrir lóð í Stykkishólmi. Um er að ræða lóð fyrir sjálfsafgreiðslustöð með tvær dælur en lóðin er staðsett við aðalveginn inn til bæjarins. Í Stykkishólmi búa rúmlega 1.100 manns en að auki er þar mikil umferð ferðamanna að sumarlagi. Í hönd fer undirbúningsferli til útgáfu byggingaleyfis auk annarra leyfa tengda rekstri eldsneytissölu.