Atvinnuleysi á Írlandi hefur ekki verið lægra í fimm ár en atvinnulausum fækkaði um 4.400 í júní mánuði og eru nú um 386.200 atvinnulausir þar í landi. Þetta kemur fram í frétt á vef írsku hagstofunnar .
Samkvæmt AFP er þetta er minnsta atvinnuleysi síðan í apríl 2009, atvinnuleysi var 11,6% í júní og 11,7% í maí en mest var það 15,1% í febrúar 2012.
Fjöldi manna sem sækist eftir félagslegum bótum hefur einnig dregist saman.
Hagfræðingar telja að minna atvinnuleysi skýrist að miklu leyti með brottflutningi fólks frá Írlandi, einkum ungs fólks, en einnig batnandi aðstæðum í hagkerfinu. Írska efnahagslífið sé þó enn viðkvæmt.
