Garðar Hannes Friðjónsson, forstjóri fasteignafélagsins Eikar, segir eftirspurn eftir atvinnuhúsnæði vera að aukast.
Í samtali við Markaðinn á Fréttablaðinu segist hann hafa talið 80 til 85 þúsund fermetra lausa haustið 2013, en hann telji töluna nú komna niður í 65-70 þúsund einu og hálfu ári síðar.
Garðar segir þetta vera vegna meiri mannfjölda, lækkandi atvinnuleysis og fleira fólks á atvinnualdri. Fólki sem þurfi atvinnuhúsnæði fari því fjölgandi.
