Hvað eigum við að kalla verkefnið,“ er örugglega undanfari þess að ákveðin verkefni fái vinnuheiti til aðgreiningar frá öðrum verkefnum. Í Seðlabankanum vinna Már Guðmundsson og Arnór Sighvatsson að því að undirbúa viðræður við kröfuhafa bankanna sem vilja fá nauða samninga samþykkta án þess að ógna fjármálastöðugleika en um leið fjármagna kosningaloforð Framsóknarflokksins.
„Bingó“ hefur svarið verið þegar spurningin var borin upp í Seðlabankanum samkvæmt frétt Morgunblaðsins.
Og er ágætlega lýsandi fyrir viðhorfið. Gangi þetta allt saman upp, kröfuhafar fái gjaldeyrinn sinn, krónuvandinn minnki og „hagnaður“ samningsins fjármagni skuldaleiðréttingu má segja bingó! Þetta er stóri vinningurinn fyrir Framsókn. En kannski ekki skattgreiðendur.
Huginn & Muninn birtist í Viðskiptablaðinu 24. október 2013. Áskrifendur geta nálgast blaðið hér að ofan undir liðnum tölublöð.