Hagvaxtarhorfur fyrir þetta ár og næsta ár eins þær birtast og okkur í spám Hagstofunnar eru vonbrigði,“ segir Bjarni Benediktsson fjármálaráðherra. Hann segir hagvaxtarspá Hagstofunnar sýna að efnahagslífið hafi ekki náð alvöru viðspyrnu að nýju eftir kreppuna.
Fram kemur í þjóðhagsspá Hagstofunnar sem birt var í síðustu viku að gert er ráð fyrir 2% hagvexti á þessu ári og 2,5% hagvexti á því næsta.
Steingrímur J. Sigfússon, þingmaður VG, spurði Bjarna út í álit hans á hagvaxtartölum Hagstofunnar í óundirbúnum fyrirspurnartíma á Alþingi í dag. Þá vakti Steingrímur máls á því að hagvaxtartölurnar hafi versnað eftir því sem liðið hafi á árið.
Bjarni sagði hagspár Hagstofunnar afleiðingu af stöðunni í dag. Leiðin út úr henni sé sú að hvetja til fjárfestingar, vinda ofan af höftunum og skattahækkunum síðustu ríkisstjórnar.
„Ég verð að láta þess getið að dæmið um Helguvík í hagvaxtartölunum er áminnning um það hvað stór fjárfestingarverkefni geta skipt miklu máli. Það er ein leð út úr þessari stöðu,“ sagði Bjarni og lagði þunga áherslu á fjárfestingar sem eina þeirra lykilleiða til að auka hér hagvöxt.
