*

fimmtudagur, 2. desember 2021
Innlent 9. júní 2016 14:01

Breytt skilyrði Creditinfo

Creditinfo breytir skilyrðum fyrir því að komast á lista yfir framúrskarandi fyrirtæki en listinn telur nú 682 fyrirtæki.

Ritstjórn
Aðsend mynd

Listi Creditinfo yfir fyrirtæki sem uppfylla skilyrði til þess að teljast framúrskarandi fyrirtæki fer stækkandi með hverju árinu og komust í ár 682 fyrirtæki á listann. Sýnir fjölgunin jákvæða stöðu á atvinnumarkaði hérlendis, en listinn miðast við rekstur áranna 2012 - 2014. Til þess að komast á listann þurfa fyrirtækin að sýna fram á góða viðskiptahætti með sterka innviði.

Fyrstu breytingar á skilyrðunum frá upphafi

Í ár verða þær breytingar á skilyrðunum að fyrirtæki þurfa að vera búin að skila ársreikningi ekki síðar en 1. september til að koma til greina á listann. Er breytingin í samræmi við breytt lög um skil á ársreikningum fyrirtækja en áður þurfti að skila ársreikningum fyrir 31. desember.

Skilyrðin fyrir að komast á listann eru eftirfarandi:

  • Hafa skilað ársreikningum til RSK síðustu þrjú ár.
  • Vera í lánshæfisflokki 1-3.
  • Að sýna rekstrarhagnað (EBITA) þrjú ár í röð.
  • Að ársniðurstaða sé jákvæð þrjú ár í röð.
  • Rekstrarform ehf., hf. eða svf.
  • Eiginfjárhlutfall sé 20% eða meira þrjú rekstrarár í röð.
  • Að eignir séu 80 milljónir eða meira þrjú ár í röð.
  • Skráður framkvæmdastjóri í hlutafélagaskrá.
  • Að vera virkt fyrirtæki skv. skilgreiningu Creditinfo.