Fjallað er um gjaldeyrishöftin á Íslandi í viðskiptahluta breska blaðsins The Times. Þar er vikið að fréttum af því að þingmenn á Alþingi vilji herða reglur um kaup erlendra aðila á fasteignum á Íslandi eða jafnvel banna þau. Times vandar þessum þingmönnum ekki kveðjurnar heldur segir hugmyndir sem þessar brjálaðar og leggur frekar til að hraðað verði gjaldeyrisútboðum Seðlabankans til að auðvelda erlendum krónueigendum að komast úr landi.
Reynslan af gjaldeyrishöftum sýni að eftir því sem erfiðara er fyrir erlent fjármagn að fara úr landi því ólíklegra er að það komi nýtt erlent fjármagn inn í það.