Century Aluminum, móðurfélag Norðuráls, hefur keypt 50,3% hlut Alcoa í Mt. Holly álverinu í Suður Karólínu í Bandaríkjunum.
Með kaupunum eignast Century Aluminum fyrirtækið Alumax, dótturfélag Alcoa, sem hélt utan um eignarhlutinn í Mt. Holly og nemur kaupverðið 67,5 milljónum bandaríkjadollara.
Eftir kaupin verður álverið í 100% eigu Century Aluminum. Um 600 manns starfa í Mt. Holly álverinu og er framleiðslugeta þess 229 þúsund tonn á ári.
