Samkvæmt tilmælum frá stjórnvöldum hafa allar innstæður viðskiptavina Spron færst yfir til Nýja Kaupþings. Innlánsreikningar Spron hafa færst yfir til Nýja Kaupþings. Allar innstæður eru tryggðar samkvæmt yfirlýsingu ríkistjórnarinnar. Debet-og kreditkort viðskiptavina Spron virka segir í tilkynningu frá Nýja Kaupþing.
Viðskiptavinir Spron hafa aðgengi að netbanka Spron næstu daga en þeir fá jafnframt aðgengi að netbanka Kaupþings á www.kaupthing.is Í tilkynningu er tekið fram að viðskiptavinir Spron geti snúið sér til næsta útbús Nýja Kaupþings eða hringt í þjónustuver í síma 444-7000 með spurningar sem lúta að innlánum og kortum.
