Samkvæmt Hagstofu Íslands hafa aldrei fleiri gistinætur verið skráðar í aprílmánuði en alls voru 563.000 gistinætur skráðar, sem er um 23% aukning frá fyrra ári, 458.900.
Um 17% aukningu er að ræða á milli ára. (480.300).
Gistinætur erlendra ferðamanna í apríl voru um 78% eða um 441.000, sem er 33% aukning frá sama tímabili í fyrra, 332.300.
Gistinætur Íslendinga voru um 122.000 sem er 4% minna en á fyrra ári (126.600).
Gistinætur á hótelum og gistiheimilum voru um 430.000 og um 133.000 á öðrum tegundum skráðra gististaða (íbúðagisting, orlofshús, tjaldsvæði o.s.frv.).
Áætlaður fjöldi erlendra gistinótta í heimagistingu utan hefðbundinnar gistináttaskráningar í apríl var um 98.000.
Hótelgisting jókst í öllum landshlutum nema á Norðurlandi, samanborið við apríl 2022. Gistinætur á hótelum í apríl voru 366.700 sem er 25% aukning frá fyrra ári (292.500).
Gistinætur erlendra ferðamanna voru 293.400, eða 80% af hótelgistinóttum, á meðan gistinætur Íslendinga voru 73.300 (20%). Gistinætur erlendra ferðamanna jukust um 36% á sama tíma og gistinóttum Íslendinga fækkaði um 5%.
Á sama tíma jókst framboð hótelherbergja um 5,9% frá apríl 2022 og herbergjanýting á hótelum var 58,0% sem er 7,9 prósentustigum hærra frá árinu áður.
Hægt er að sjá heildartölur um gistinætur í aprílmánuði á vef Hagstofu Íslands hér.
