Nýtt fjarskiptafyrirtæki, Hringdu ehf., hóf að auglýsa nettengingar og heimasímaþjónustu í síðustu viku. Hringdu er í eigu Játvarðs Jökuls Ingvarssonar, Davíðs Fannars Gunnarssonar og foreldra þeirra. Félagið býður upp á þjónustu um allt land.
Hringdu rekur sína eigin símstöð, kjarnanet og útlandagátt og á heimasíðu félagsins segir að það geti „þar af leiðandi veitt hágæða nettengingu og heimasíma á lágu verði og þjónustu um allt land“. Á meðal þess sem Hringdu býður upp á eru símtöl á 0 krónur til útlanda og engin upphafsgjöld. Félagið hefur almenna heimild til að stunda fjarskiptastarfsemi frá Póst- og fjarskiptastofnun. Höfuðstöðvar Hringdu eru að Grensásvegi 22.
