Úrvalsvísitala kauphallar Nasdaq Iceland hækkaði um 1,58% í viðskiptum dagsins í dag og endaði í 1.783,4 stigum. Gengi bréfa Marels hækkaði um 2,59% og Icelandair um 2,25%. Ekkert félag lækkaði í verði í viðskiptum dagsins. Velta á hlutabréfamarkaði nam alls rétt rúmum 1,6 milljörðum króna.
Skuldabréfavísitala GAMMA hækkaði um 0,1% í dag í 3,2 milljarða króna viðskiptum. Verðtryggði hluti vísitölunnar hækkaði lítillega í óverulegum viðskiptum og óverðtryggði hluti vísitölunnar hækkaði um 0,2% í 3,2 milljarða króna viðskiptum.
