Hæstiréttur Íslands ómerkti í gær dóma héraðs og Landsréttar yfir Símanum fyrir að hafa brotið á ákvæðum fjölmiðlalaga með því að beina öllum viðskiptum Sjónvarps Símans að Mílu, dótturfélagi Símans.
Málið á sér langa forsögu en Síminn stöðvaði dreifingu á ólínulegi efni Sjónvarpi Símans í kerfi Vodefone haustið 2015.
Fjarskiptastofnun, þá Póst- og fjarskiptastofnun, ákvað að það væri óheimilt fyrir Símann að skikka alla sem vildu nota Sjónvarp Símans Premium til að vera með myndlykill frá Símanum. Allt efnið sem þar var í boði var nær eingöngu aðgengilegt í dreifikerfi símans og á neti Mílu.
Hæstiréttur komst að þeirri niðurstöðu að dómur Landsréttar hefði ekki fullnægt þeim kröfum sem gera yrði til rökstuðnings í dómi fyrir niðurstöðu um sönnunar- og lagaatriði þar sem ekki var kallaður til dómskvaddur matsmaður með sérfræðiþekkingu á umhverfi fjarskipta.
Héraðsdómari hefði átt að gera slíkt þegar málið var flutt þar en þeim galla málsins hafi ekki verið unnt að bæta úr fyrir Landsrétti.
Hæstiréttur ómerkti því bæði dóm Landsréttar og héraðsdóms og vísaði málinu heim í hérað til löglegrar meðferðar.