Hagnaður Samskipa nam á síðasta ári 4,5 milljónum evra, eða því sem samsvarar 744,4 milljónum króna á núverandi gengi, samanborið við 6,2 milljónir evra árið 2010. Rekstrarhagnaður samstæðunnar, þ.e. Samskipa og dótturfélaga, nam um 12 milljónum evra (2 ma.kr.), samanborið við 12,5 milljónir evra árið áður.
Tekjur Samskipa námu 119,3 milljónum evra á síðasta ári og jukust um 4,7 milljónir evra á milli ára. Rekstrarkostn aður nam 107,3 milljónum evra og jókst um 5,2 milljónir króna á milli ára. Eigið fé Sam skipa var í árslok um 13 milljónir evra en skuldir félagsins voru um 40 milljónir evra. Handbært fé frá rekstri var um 14,4 milljónir evra.
Enginn arður var greiddur á árinu 2011 og í skýrslu stjórnar er lagt til að ekki verði greiddur arður á þessu ári.