Halldór Halldórsson var endurkjörinn formaður Sambands íslenskra sveitarfélaga á landsþingi þess sem haldið var á Akureyri. Þinginu lauk rétt fyrir hádegi.
Stjórn sambandsins er skipuð ellefu aðalmönnum. Við kjör í stjórn er landinu skipt upp í fimm kjörsvæði sem taka mið af skiptingu landsins í kjördæmi vegna Alþingiskosninga með þeirri undantekningu að Reykjavík er eitt kjörsvæði.
Halldór Halldórsson hefur verið formaður sambandsins frá árinu 2006.