Heildarvelta kreditkorta í nóvembermánuði var 23,3 milljarðar króna, samanborið við 21,7 milljarð á sama tíma í fyrra og er þetta 7,6% aukning milli ára.
Þetta kemur fram í Hagtölum Seðlabankans en heildarvelta kreditkorta dróst saman um 1,2% í október miðað við mánuðinn á undan.
Debetkortavelta var í nóvember 30,6 milljarðar króna og dróst saman um 0,6% frá fyrri mánuði.
Sé heildardebetkortaveltan borin saman við sama tíma í fyrra þá hefur heildardebetkortaveltan dregist saman um 1,1 milljarð króna milli ára eða um 3,5%.
