Tæknifyrirtæki og hrávöruframleiðendur leiddu hækkanir á hlutabréfamörkuðum í Evrópu í dag að sögn Reuters fréttastofunnar en FTSEurofirst 300 vísitalan hækkaði í dag um 1% eftir að hafa lækkað þrjá daga í röð.
Í Lundúnum hefur FTSE 100 vísitalan hækkað um 0,1%, í Amsterdam hækkaði AEX vísitalan um 1,7% og í Frankfurt hækkaði DAX vísitalan um 1,1%.
Í París hækkaði CAC 40 vísitalan um 1,3% og í Zurich hækkaði SMI vísitalan um 0,8%.
Þá hækkaði OMXC vísitalan í Kaupmannahöfn um 0,6% og OBX vísitalan í Osló um 0,2%.
