Hreysti ehf., sem sérhæfir sig í innflutningi og sölu á ýmsum vörum tengdum íþróttum, svo sem tækjum, búnaði og fæðubótarefnum, hagnaðist um 12,1 milljón króna á síðasta ári samanborið við tæplega 558 þúsund krónur árið 2016. Skýrist hagnaðaraukinn einkum af stóraukinni sölu.
Hreysti seldi vörur fyrir 170,4 milljónir í fyrra samanborið við 97,7 milljónir 2016. Rekstrarkostnaður nam 158,9 milljónum en var 96,7 milljónir á fyrra ári.
Eignir félagsins námu rúmlega 54 milljónum í lok síðasta árs og var eiginfjárhlutfall 11,5%.
Hreysti er fjölskyldufyrirtæki og skiptist hlutafé þess á tvo hluthafa, þá Eggert Stefán K. Jónsson (66,7%) og Sigvalda K. Jónsson (33,3%).
