Efst á lista Creditinfo hf. yfir framúrskarandi fyrirtæki fyrir árið 2016 trónir Icelandair Group hf., en þar á eftir koma Samherji hf., Icelandair ehf. og Marel hf.
Veitti Creditinfo framúrskarandi fyrirtækjum viðurkenningar í gær á Hilton Reykjavík Nordica fyrir rekstrarárið 2015, og hlutu Þorbjörn hf., Fálkinn og Grillmarkaðarinn sérstakar viðurkenningar úr hendi Benedikts Jóhannessonar fjármálaráðherra.
Með Viðskiptablaðinu í dag fylgir sérstakt blað um þessi framúrskarandi fyrirtæki,
„Í ár fengu 624 fyrirtæki viðurkenningu, um 1,7% allra skráðra fyrirtækja á Íslandi. Þau fyrirtæki sem komast á lista framúrskarandi fyrirtækja eiga það sameiginlegt að vera með sterkar stoðir og stöðugleika í sínum rekstri. Þau eru jafnframt líkleg til að efla hag hluthafa og fjárfesta,“ segir í fréttatilkynningu Creditinfo.
