Gengi hlutabréfa Icelandair standa nú í 1,49 krónum á hvern hlut en það er um 17,22% lækkun frá lokagengi bréfanna í gær.
Icelandair gaf frá sér tilkynningu klukkan hálf þrjú í dag þess efnis að Flugfreyjusamband Íslands hefur hafnað lokatilboði flugfélagsins. Flugfélagið áformar að halda hluthafafund á föstudag en fyrir honum liggur tillaga um heimild til að samþykkja hækkun hlutafjár.
Hlutabréf Icelandair hafa hríðfallið á síðustu mánuðum vegna heimsfaraldursins. Gengi bréfanna í upphafi árs var í kringum 7,5 krónur á hlut. Bréfin náðu hámarki í 38,20 krónum á hlut í apríl 2015.
