*

þriðjudagur, 15. október 2019
Fólk 17. september 2019 12:43

Ingvi Björn nýr sviðsstjóri hjá Deloitte

Deloitte ræður Ingva Björn Bergmann sviðstjóra endurskoðunar en hann hefur starfað hjá fyrirtækinu með hléum frá 2004.

Ritstjórn
Ingvi Björn Bergmann er nýr sviðstjóri endurskoðunar hjá Deloitte
Aðsend mynd

Ingvi Björn Bergmann tók nýverið við sem sviðsstjóri endurskoðunar Deloitte. Ingvi Björn hóf störf hjá Deloitte árið 2004 og varð eigandi árið 2013, en árin 2010-2012 starfaði Ingvi Björn hjá Deloitte í Kaupmannahöfn. Þá var Ingvi Björn fjármálastjóri Kynnisferða árin 2015-2017, meðdómari hjá Héraðsdom Reykjavíkur árið 2014 og stundakennari í viðskiptafræði 2009 til 2014.

Ingvi Björn hefur umfangsmikla reynslu af endurskoðun og stjórnun endurskoðunarverkefna hjá stórum félögum, bæði hér heima og erlendis. Eins hefur Ingvi Björn sinnt fjölbreyttri ráðgjöf á sviði fjármála, reikningsskila og skattamála fyrir viðskiptavini Deloitte.

Ingvi Björn hefur verið löggiltur endurskoðandi frá árinu 2008, en hann er með Cand. Oecen frá Háskóla Íslands í viðskiptafræði frá árinu 2006 og stúdentspróf frá Verzlunarskóla Íslands.

„Það er mikill akkur að fá Ingva Björn inn í stjórnendahópinn. Ingvi Björn hefur viðamikla reynslu af því að þjónusta viðskiptavini Deloitte þvert á svið félagsins. Þá er hann bæði drífandi og með skýra sýn á heildarmyndina. Ég hlakka til að vinna að áframhaldandi vexti Deloitte með honum,“ segir Þorsteinn Pétur Guðjónsson, forstjóri Deloitte.