*

miðvikudagur, 4. ágúst 2021
Innlent 28. október 2014 16:26

Íslenskum hótelgestum fjölgar ekki í Berlín

Fjöldi íslenskra hótelgesta í Berlín stendur í stað frá því á síðasta ári. Ferðum fjölgar til Þýskalands á sama tíma.

Ritstjórn
european pressphoto agency

Á síðasta ári fjölgaði íslenskum hótelgestum í Berlín um rúmlega fjörtíu prósent frá árinu 2012 samkvæmt talningum frá ferðamálaráði Berlínar en sá fjöldi stóð í stað í ár. Þetta kemur fram í frétt á Túrista.is.

Þar kemur einnig fram að þýskum ferðamönnum hefur fjölgað um 12,9 prósent frá því á síðasta ári samkvæmt talningu Ferðamálastofu. Nú er ljóst að ferðum til og frá Þýskalands muni fjölga á næstunni en Airberlin, annað stærsta flugfélag Þýskalands, tilkynnti á dögunum að það myndi auka íslandsflug sitt verulega á næsta ári og mest frá Berlín. Þá mun félagið fljúga hingað sex sinnum í viku frá Tegel flugvelli frá byrjun maí til loka október.