Jonas Gahr Støre, utanríkisráðherra Noregs, og Ingibjörg Sólrún Gísladóttir utanríkisráðherra funduðu í Ráðherrabústaðnum í morgun.
Að fundi loknum undirrituðu þau samning um kolvetnisauðlindir sem liggja beggja vegna markalínu landgrunnsins milli Íslands og Jan Mayen.
Norski utanríkisráðherrann er í opinberri heimsókn hér á landi í boði Ingibjargar Sólrúnar.
Hann mun í hádeginu hitta Geir H. Haarde forsætisráðherra og síðdegis verður hann á opnum fundi Samfylkingarinnar í Iðnó.