Landsbankinn hf. lauk í dag lokuðu útboði á tveimur víxlaflokkum. Annars vegar var um að ræða LBANK 170210, sem er flokkur sem var nú þegar til staðar. Hins vegar var um að ræða LBANK 170310, sem er nýr flokkur.
Heildartilboð í útboðinu námu 4.840 milljónum króna. Tilboðum var tekið í flokki LBANK 170210 fyrir 100 milljónir króna á 5,84% flötum vöxtum sem jafngildir verðinu 97,6090. Í flokki LBANK 170310 var tilboðum tekið að upphæð 320 milljónir króna á 5,84% flötum vöxtum sem jafngildir verðinu 97,1782.
Samkvæmt tilkynningu frá kauphöllinni er stefnt að því að viðskipti með bréfin hefjist þann 12. september 2016.
