Opnað var fyrir viðskipti í fleiri sjóðum Landsbankans í dag.
Sjóðirnir sem um ræðir eru:
- Landsbanki Global Equity Fund
- Landsbanki Nordic 40
- Markaðsbréf stutt
- Markaðsbréf meðallöng
- Markaðsbréf löng
- Skuldabréfasjóður Landsbankans
- Sparibréf Landsbankans
- Úrvalsbréf Landsbankans
Á vef Landsbankans kemur fram að aðrir sjóðir, fyrir utan Peningabréfasjóðina sem nú hefur verið slitið, eru sem fyrr lokaðir í framhaldi af tímabundinni stöðvun FME á viðskiptum með alla fjármálagerninga útgefna af Glitni, Kaupþingi, Landsbanka og SPRON og í ljósi þess að hömlur eru á fjármagnshreyfingum til og frá landinu.
Þá er vakin athygli á því að uppgjör viðskipta í sjóðum sem eru gerðir upp í erlendir mynt geta dregist þar sem öll slík viðskipti þurfa að fara í gegnum Seðlabankann.