Eik fasteignafélag hefur birt lista yfir tuttugu stærstu hluthafa félagsins að loknu uppgjöri á nýafstöðnu útboði Arion banka á 14% eignarhlut í félaginu. Viðskipti með hlutabréf félagsins á Aðalmarkaði Kauphallarinnar hófust nú í morgun.
Lífeyrissjóður verslunarmanna er stærsti hluthafi fyrirtækisins eftir útboðið með 10,5% eignarhlut. Þar á eftir kemur Almenni lífeyrissjóðurinn með 9,5% hlut, en því næst Lífsverk lífeyrissjóður með 8,3% hlut.
Tíu stærstu hluthafarnir samkvæmt listanum:
- Lífeyrissjóður verslunarmanna - 10,5%
- Almenni lífeyrissjóðurinn - 9,5%
- Lífsverk lífeyrissjóður - 8,3%
- Stafir lífeyrissjóður - 5,9%
- Vátryggingafélag Íslands - 5,4%
- Lífeyrissjóður starfsmanna ríkisins B-deild - 5,2%
- Lífeyrissjóður starfsmanna ríkisins A-deild - 4,1%
- A.C.S. safnreikningur I - 3,9%
- Hagamelur ehf. - 3,3%
- Stapi lífeyrissjóður 3,0%
Bankinn bauð til sölu 485.125.261 hluti í útboðinu en 12.603.492 hlutir reyndust ógreiddir að loknum greiðslufresti. Eignarhlutur bankans í félaginu er 0,7% að loknu útboði.
