*

fimmtudagur, 14. nóvember 2019
Innlent 28. september 2019 17:02

Myndir: Sjávarútvegsdagurinn

Á dögunum fór fram Sjávarútvegsdagurinn en Samtök fyrirtækja í sjávarútvegi stóðu fyrir fundinum í samstarfi við Deloitte og SA.

Ritstjórn
Ásgeir Jónsson, bankastjóri Seðlabanka Íslands, hélt líflegt erindi sem vakti góða athygli fundargesta.

Á dögunum fór fram Sjávarútvegsdagurinn en Samtök fyrirtækja í sjávarútvegi stóðu fyrir fundinum í samstarfi við Deloitte og Samtök atvinnulífsins. Fundurinn var haldinn í Silfurbergi í Hörpu. Yfirskrift Sjávarútvegsdagsins var: Hægara er að styðja en reisa. 

Kynntar voru niðurstöður gagnagrunns Deloitte um afkomu sjávarútvegsins árið 2018. Heiðrún Lind Marteinsdóttir, framkvæmdastjóri SFS, setti fundinn og héldu þau Jónas Gestur Jónasson, löggiltur endurskoðandi hjá Deloitte, Friðrik Gunnarsson, hagfræðingur SFS, og Ásgeir Jónsson seðlabankastjóri erindi. Edda Hermannsdóttir, forstöðumaður hjá Íslandsbanka, stýrði fundinum. 

Auðvitað vakti það sem fram fór á Sjávarútvegsdegi SFS mismikla athygli fundargesta, en sumir eru auðvitað betri í að gera marga hluti í einu en aðrir.

Ungir sem aldnir hlýddu einbeittir á erindi þeirra Jónasar Gests Jónassonar Friðriks Gunnarssonar og Ásgeirs Jónssonar.

Gestir komu mislangt að á Sjávarútvegsdaginn, þar á meðal þeir Ólafur Rögnvaldsson, framkvæmdastjóri Hraðfrystihúss Hellissands, og Pétur Hafsteinn Pálsson í Vísi í Grindavík.

Kristján Ragnarsson, fyrrverandi formaður LÍÚ, eins af fyrirrennurum Samtaka fyrirtækja í sjávarútvegi lét sig ekki vanta.

Jónas Gestur Jónasson, löggiltur endurskoðandi hjá Deloitte, kynnti afkomutölur í íslenskum sjávarútvegi á síðasta ári en þær fást úr gagnagrunni Deloitte.

Fjöldi góðra gesta mætti á ráðstefnuna sem haldin var í Silfurbergi í Hörpu, en yfirskrift hennar var Hægara er að styðja en reisa.

Stikkorð: Deloitte SA Sjávarútvegsdagurinn SFS