Breski bankinn Lloyds Banking Group staðfesti með tilkynningu til Kauphallarinnar í London í morgun uppsögn níu þúsund starfsmanna bankans. BBC News greinir frá málinu.
Uppsagnirnar ná yfir 10% af núverandi starfsmönnum bankans og koma ofan á þær 43 þúsund uppsagnir sem hafa átt sér stað hjá bankanum frá árinu 2008.
Þá kveðst bankinn ætla að loka 150 útibúum víðs vegar um Bretland á næstu þremur árum í hagræðingarskyni. Hagræðingaráætlanir bankans gera ráð fyrir að hann spari árlega um milljarð punda, eða 195 milljarða íslenskra króna, á næstu þremur árum.
