Alls hafa níu félög fengið heimild til fjárhagslegrar endurskipulagningar á grundvelli rýmkaðra lagaheimilda um efnið sem samþykkt voru í vor.
Þetta kemur fram í samantekt dómstólasýslunnar sem dómsmálaráðherra kynnti á ríkisstjórnarfundi á þriðjudag. Fjögur félaganna eru í hótelrekstri, tvö í fasteignarekstri um hóteleignir og að endingu eitt í akstursþjónustu, annað í afþreyingu og hið síðasta er skemmtistaður. Viðbúið er að slíkum beiðnum fjölgi með vetrinum.
