Félag í eigu Svanhildar Nönnu Vigfúsdóttur og Guðmundar Arnar Þórðarsonar hefur keypt hlut í íslenska barnafatafyrirtækinu Ígló&Indí.
Fram kemur í fréttatilkynningu að hlutafjáraukningunni sé ætlað að styrkja fyrirtækið í að auka vöruframboð fyrirtækisins til núverandi og nýrra viðskiptavina, ekki síst með útflutning í huga, en vörur fyrirtækisins séu nú þegar seldar í um 40 verslunum í 11 löndum.
Ígló&Indí er íslenskt barnafatafyrirtæki sem stofnað var í byrjun október 2008. Stofnandi og yfirhönnuður er Helga Ólafsdóttir og framkvæmdastjóri er Guðrún Tinna Ólafsdóttir.
