World Travel verðlaunin verða afhent á ítölsku eyjunni Sardiníu á laugardaginn. Á vef Túrista.is kemur fram að þetta séu ein þekktustu verðlaunin í ferðaþjónustunni, nokkurs konar „Óskarsverðlaun ferðageirans".
Í flokki gististaða eru tilnefningar bundnar við lönd og eru 20 íslensk hótel tilnefnd í hinum ýmsum flokkum. Á meðal flokka sem keppt er í er: Besta hótelið, Besta hönnunarhótelið, besta hótelið fyrir vinnuferðir og besta íbúðarhótelið.
Þau hótel sem tilnefnd eru sem besta hótelið á Íslandi eru:
- Alda Hótel Reykjavík
- Grand Hótel Reykjavík
- Hilton Reykjavík Nordica
- Hótel Borg
- Hótel Holt
- Hótel Keflavík
- ION Luxury Adventure Hotel
- Radisson Blu 1919
Hægt er sjá tilnefningar í öllum flokkum á vefsíðu Túrista.is.