*

laugardagur, 11. júlí 2020
Innlent 24. maí 2020 16:20

Rafbílar þegar fleiri í ár en í fyrra

1.013 nýir rafbílar hafa nú verið nýskráðir það sem af er ári, en í fyrra voru slétt 1.000 skráðir, sem var metfjöldi.

Ritstjórn
Næstum annar hver skráður rafbíll það sem af er ári er Tesla.
Aðsend mynd

Það sem af er ári hafa 1.013 nýir rafbílar verið nýskráðir samkvæmt gögnum Samgöngustofu. Bílar frá Tesla vega um 45% af nýjum rafmagnsbílum en 458 nýskráðir rafmagnsbílar koma frá þeim.

Þrátt fyrir að innan við fimm mánuðir séu liðnir af árinu hafa aldrei verið fleiri nýir rafbílar nýskráðir á einu ári. Í fyrra voru þeir slétt eitt þúsund, en árlegur fjöldi nýskráninga hefur ríflega fjórfaldast frá árinu 2016.

Af nýskráðum fólksbifreiðum á árinu flokkast flestar sem rafbílar, alls 942, en nýskráðir bensínknúnir fólksbílar eru 577 og dísilknúnir 675. Þá eru nýskráðir tengiltvinnbílar 536 og hefðbundnir tvinnbílar 408, samtals 944.

Stikkorð: Tesla Samgöngustofa rafbílar