ÁTVR hefur nú ríkari heimildir til hafna áfengi vegna um búða eða markaðssetningar vörunnar. Þessar auknu heimildir koma fram í breytingu á lögum um verslun með áfengi og tóbak sem Alþingi samþykkti á lokadegi þingsins. Bjarni Benediktsson fjármálaráðherra var flutningsmaður.
Helstu breytingarnar eru þær að nú getur ÁTVR hafnað sölu og dreifingu ef umbúðir eða markaðssetning gefur til kynna að varan hafi lækningaeiginleika, feli í sér happdrætti, tilboð eða kaupauka, hvetji til óhóflegrar neyslu áfengis, tengist aðstæðum þar sem neysla áfengis skapar slysahættu eða er refsiverð og skírskoti eða hvetji til neyslu ólöglegra fíkniefna.
Enn fremur getur ÁTVR hafnað vöru ef umbúðir eða markaðssetning höfðar sérstaklega til barna eða ungmenna yngri en 20 ára eða sýni börn eða ungmenni yngri en 20 ára.