Byggðastofnun er með á þriðja tug fasteigna til sölu að því er fram kemur á heimasíðu stofnunarinnar. Um er að ræða bæði atvinnu og íbúðarhúsnæði.
Alls er um að ræða eignir á 18 mismunandi stöðum á landinu í flestum landshlutum utan höfuðborgarsvæðisins. Á meðal eigna er 9 herbergja hótel á Seyðisfirði, húsnæði undir hárgreiðslustofu í Ólafsfirði, húsnæði undir matvöruverslun á Þórshöfn og húsnæði undir brúðulistasafn í Borgarnesi.
