Greiningadeild Glitnis segir frá því í Morgunkorni sínu að skuldatryggingaálag bankanna hefur haldist nokkuð stöðugt undanfarna daga en það hefur sveiflast töluvert frá áramótum.
Álag á skuldatryggingar Kaupþings til 5 ára stendur nú í 435 punktum sem er 615 punktum minna en í lok mars þegar álagið náði hápunkti í 1.050 punktum.
Álagið á sambærilegar skuldatryggingar Glitnis hefur lækkað um 585 punkta frá því sem mest var og er nú 415 punktar og álag Landsbankans hefur lækkað um 545 punkta frá því í lok mars þegar álag á 5 ára skuldatryggingar Landsbankans náði hápunkti í 800 punktum.
Greining Glitnis segir í Morgunkorni að þessi „lækkun skuldatryggingaálags bankanna frá því í lok mars [bendi] til þess að þeir vogunarsjóðir og fjárfestar sem keypt hafa skuldatryggingar banka í löndum þar sem líkur þykja á efnahagsskelli í náinni framtíð, t.d. Íslandi, í þeim tilgangi að hagnast á fjármálaóstöðugleika, hafi gefið upp von um að sú þróun gangi nógu hratt eftir.“
