*

fimmtudagur, 14. nóvember 2019
Fólk 16. október 2019 12:24

Sölvi og Þorbjörg Ásta til BBA//Fjeldco

Sölvi Sölvason fyrrum forstöðumaður hjá Arion banka og Þorbjörg Ásta Leifsdóttir frá Kromann Reubert ráðin til lögmannstofunnar.

Ritstjórn
Sölvi Sölvason og Þorbjörg Ásta Leifsdóttir hafa verið ráðin til lögmannstofunnar BBA/Fjeldco.
Aðsend mynd

Lögmannsstofan BBA//Fjeldco hefur ráðið til sín tvo nýja sérfræðinga, Sölva Sölvason, lögmann, fyrrum forstöðumann á fyrirtækjasviði Arion banka og Þorbjörgu Ástu Leifsdóttur, sem starfaði hjá samkeppnisréttadeild Kroman Reumert í Danmörku. Markmið ráðninganna er að auka sérþekkingu í samkeppnisrétti og dýpka sérhæfingu og þjónustu stofunnar vegna fjármögnunar fyrirtækja.

Sölvi Sölvason hefur starfað sem forstöðumaður hjá Arion banka frá árinu 2010, en starfaði áður m.a. hjá Íslandsbanka, Kaupþingi banka og Kaupthing Bank Luxembourg. Sölvi, sem hefur um áratuga skeið unnið með fjármálafyrirtækjum að fjármögnun fyrirtækja, mun stýra sérhæfðu teymi innan BBA//Fjeldco, sem mun annast gerð fjármögnunarsamninga fyrir viðskiptavini stofunnar.

Þorbjörg Ásta Leifsdóttir hefur mikla reynslu af samkeppnisrétti, en undanfarin ár hefur hún starfað hjá samkeppnisréttardeild Kromann Reumert, sem er ein fremsta lögmannsstofa Danmerkur. Þorbjörg útskrifaðast með BA gráðu í lögfræði frá Háskólanum í Reykjavík árið 2015, en með meistaragráðu í lögfræði frá Kaupmannahafnarháskóla árið 2017.