Strákarnir stærri en Eyjafjallajökull

Fyrirspurnir til leitarvélar Google eru harla örugg vísbending um hvert áhugi heimsbyggðarinnar beinist dag frá degi eða ár frá ári. Þess vegna er einkar fróðlegt að athuga á vef Google Trends hvernig áhuga umheimsins á Íslandi hefur verið háttað umliðin ár, en hér hefur á ýmsu gengið, eins og menn þekkja.

Enginn viðburður kemst í námunda við gengi íslenska landsliðsins í fótbolta undanfarna daga. Jafnvel sjálfur Eyjafjallajökull með allan sinn öskustrók og röskun á farþegaflugi náði ekki nema ¾ af athyglinni, sem strákarnir okkar hafa fangað. Önnur eldgos, bankahrun og það allt er eins og suð hjá því.