Smartmedia hefur ráðið Þórdísi Björk Þórisdóttur sem þjónustufulltrúi veflausna en hún starfaði áður sjálfstætt við uppsetningar á vefverslunum og upplýsingasíðum, með sérstakri áherslu á WordPress og WooCommerce.
Þórdís lagði stund á vefþróun í Tækniskólanum og segist hún alltaf hafa „haft mikinn áhuga á öllu því sem viðkemur vefmálum og þá sérstaklega aðgengi og notendaupplifun“. Þórdís kemur frá Akureyri og er í sambúð með Richard Germain en saman eiga þau einn son.
Hjörvar Hermannsson, framkvæmdastjóri Smartmedia segist afar ánægður með nýjan starfskraft fyrirtækisins sem hefur stækkað ört samhliða netverslun á árinu sem líður.
„Við höfum lagt mikla áherslu á að auka enn frekar gæði þjónustu okkar við viðskiptavini sem og bæta notendaupplifun viðskiptavina þeirra í netverslunum og Þórdís kemur sterk inn í þá vinnu,“ segir Hörvar. „2020 hefur svo sannarlega flýtt þróun netverslana og það hefur verið mikið ævintýri fyrir Smartmedia teymið að taka þátt í þeim framförum.“
