Fyrir lok ársins verða tveir Dunkin' Donuts kleinuhringjastaðir opnaðir, til viðbótar við þann sem opnar á Laugavegi í sumar. Þessu grein ir mbl.is frá.
Eins og VB.is greindi frá hefur Dunkin' Donuts skrifað undir sérleyfissamning við íslenska fyrirtækið Drangasker ehf., dótturfélag 10-11, um að hefja undirbúning að opnun Dunkin´ Donuts veitingastaða á Íslandi. Samningurinn gerir ráð fyrir opnun sextán Dunkin' Donuts veitingastaða víða um land á næstu fimm árum, en flestir þeirra verða á höfuðborgarsvæðinu.
Fyrsti staðurinn verður opnaður á Laugavegi 3, en þar var áður staðurinn Buddha Café. Fram kemur í fréttinni á mbl.is að sá staður verði örugglega stærsti staðurinn hjá fyrirtækinu hér á landi. Þar verði alvöru kaffihús auk setuaðstöða með borðum, bæði inni og úti.