HB Grandi hagnaðist um 36,3 milljónir evra á síðasta ári, en fjárhæðin samsvarar tæpum 5,5 milljörðum íslenskra króna. Hagnaðurinn eykst lítillega milli ára en hann nam 35,4 milljónum evra ári fyrr. Rekstrartekjur ársins námu 214,9 millj ónum evra, en voru 195 milljónir evra ári fyrr. EBITDA ársins var 49,9 milljónir evra eða 23,2%, en nam 45,1 milljón (23,1%) árið 2013.
„Uppgjör HB Granda fyrir 4. ársfjórðung 2014 var mjög þungt,“ segir Kristján Markús Bragason hjá Greiningu Íslandsbanka.
„EBIT hagnaður félagsins nær þurrkaðist út miðað við sama tímabil í fyrra og hagnaður eftir skatta lækkaði um 40%. Það sem þarf hins vegar að hafa sterklega í huga þegar rekstraruppgjör HB Granda eru skoðuð er að spágerð og samanburður milli ársfjórð unga er mjög erfiður og liggur við að ákveð inn ómöguleiki sé í því máli. Sé horft til einstakra fjórðunga ársins 2014 hjá félaginu má segja að þriðji fjórðungur 2014, sem var firnasterkur, hafi dempað verulega dapra niðurstöðu ársfjórðungsins sem á eftir fór. Því voru síðustu tveir ársfjórðungar félagsins árið 2014 mjög úr takti við það sem mætti kalla meðaltalstaktur í rekstrinum, en sem betur fór voru þeir í sitt hvora áttina.“
Nánar er fjallað um málið í Kauphallarblaðinu sem fylgdi Viðskiptablaðinu í síðustu viku. Áskrifendur geta nálgast pdf-útgáfu af blaðinu með því að smella á hlekkinn Tölublöð .