*

fimmtudagur, 14. nóvember 2019
Innlent 2. október 2019 11:30

Nýr tímabundinn forstjóri HS Orku

Finnur Beck hefur verið ráðinn tímabundinn forstjóri HS Orku. Hann hefur starfað sem aðallögfræðingur félagsins síðan 2015.

Ritstjórn
Finnur Beck hefur verið ráðinn sem forstjóri HS Orku tímabundið.
Haraldur Guðjónsson

Fráfarandi forstjóri HS Orku hf. hefur beðið um að flýta áður ákveðnum starfslokum og lætur hann formlega af störfum í vikunni. Þetta kemur fram á vef HS Orku.

Stjórn HS Orku hf. hefur falið Finni Beck, lögfræðingi félagsins, að gegna stöðu forstjóra tímabundið þar til nýr hefur verið ráðinn. Ráðningaferlið stendur yfir og er gert ráð fyrir að því ljúki á næstu vikum.

Finnur Beck hefur starfað sem aðallögfræðingur félagsins frá árinu 2015 en starfaði áður sem héraðsdómslögmaður og einn eigandi lögmannsstofunnar Landslögum.

Stikkorð: HS Orka Finnur Beck