Bandaríska viðskiptatímaritið Forbes hefur birt lista yfir launahæstu leikkonur heims á þessu ári. Leikkonan Jennifer Lawrence trónir á toppi listans með 52 milljónir dala í tekjur, jafnvirði 6,8 milljarða íslenskra króna.
Í öðru sæti listans situr Scarlett Johansson með 35,5 milljónir dala eða rúmlega 4,6 milljarða íslenskra króna. Í þriðja sæti er svo Melissa McCarthy með 23 milljónir króna, jafnvirði tæplega þriggja milljarða íslenskra króna.
Tíu launahæstu leikkonur ársins
1. Jennifer Lawrence - 52 milljónir dala
2. Scarlett Johansson - 35,5 milljónir dala
3. Melissa McCarthy - 23 milljónir dala
4. Bingbing Fan - 21 milljón dala
5. Jennifer Aniston - 16,5 milljónir dala
6. Julia Roberts - 16 milljónir dala
7. Angelina Jolie - 15 milljónir dala
8. Reese Witherspoon - 15 milljónir dala
9. Anne Hathaway - 12 milljónir dala
10. Kristen Stewart - 12 milljónir dala
