Tólf ný fyrirtæki hafa bæst í hóp þeirra sem eru félagar í Viðskiptaráði Íslands. „Ráðið hefur frá stofnun þess árið 1917 barist fyrir hagfelldu rekstrarumhverfi íslensks atvinnulífs og er því ljóst að nú, 93 árum síðar, sjá fyrirtæki sér enn mikinn hag í starfsemi ráðsins," segir í nýju fréttabréfi Viðskiptaráðs.
Á heimasíðu Viðskiptaráðs segir að ráðið sé frjáls samtök félaga, fyrirtækja og einstaklinga í íslensku atvinnulífi. Allir sem stundi rekstur, hvort sem er í smáum eða stórum stíl, geti átt aðild að ráðinu. Viðskiptaráð sé tæki atvinnulífsins til þess að vinna að hvers konar framförum sem bæti starfsskilyrði atvinnulífsins og auki velmegun í þjóðfélaginu.
Hér má sjá lista yfir alla félagsmenn VÍ. Nýir félagar síðustu mánaða eru:
- Klettur Sala og Þjónusta,
- Thorp, Framtíðarorka,
- Transmit,
- Ceo Huxun,
- Búngaló,
- Bókhalds- og rekstrarþjónustan Hagsýn,
- Handlers,
- Center Hugbúnaðarhús,
- Amivox,
- Nordic Legal,
- Global Trade,
- Data Market.
