Brynjar Steinn Jónsson og Arna Björg Rúnarsdóttir hafa verið ráðin til HS Orku.
Arna Björg Rúnarsdóttir hefur verið ráðin í stöðu skrifstofustjóra hjá HS Orku. Helstu verkefni hennar eru á sviði móttöku, skjalamála og sem gjaldkeri.
„Áður starfaði Arna Björg í lögfræðiinnheimtu hjá Lögheimtunni ehf. og þar áður hjá Landsbankanum í einstaklingslausnum. Arna er með BA- og MSc-gráðu í lögfræði frá Háskólanum í Reykjavík. Arna er í sambúð með Bjarna Rúnari Einarssyni byggingarfræðingi og eiga þau þrjú börn“ segir í tilkynningu frá HS Orku.
Ráðinn sérfræðingur í tölvudeild
„Brynjar Steinn Jónsson hefur verið ráðinn sérfræðingur í tölvudeild HS Orku. Helstu verkefni hans verða umsjón og eftirlit með netþjónustu auk notendaaðstoðar.
Brynjar starfaði áður sem svæðisstjóri hjá Símafélaginu á Suðurnesjum og var eigandi og framkvæmdastjóri Netsamskipta til margra ára.
Brynjar er tölvu- og tæknistúdent frá Iðnskólanum í Reykjavík og tók 1 ár í tölvunarfræði í Háskólanum í Reykjavík. Brynjar er giftur Bylgju Dís Erlingsdóttur, aðalbókara og launafulltrúa Skólamatar og eiga þau eitt barn,“ segir í tilkynningu frá fyrirtækinu.
