Útgjöld vegna vaxtabóta verða talsvert lægri en áætlað var í ár, eða sem nemur næstum 2 milljörðum króna, samkvæmt frumvarpi til fjáraukalaga sem vísað er til í Hagsjá Landsbankans í dag.
Sú áætlun sen fram kemur í fjáraukalagafrumvarpinu byggir á endurmati á grundvelli álagningar opinberra gjalda, bæði árið 2012 og 2013. Útgreiddar bætur reyndust vera lægri en áætlaðar fjárheimildir.
Þá hefur það einnig áhrif til lækkunar að viðmiðunarfjárhæðir vaxtabótakerfisins hafa haldist óbreyttar í krónum samtímis því að tekjur hafa hækkað. Þá skiptir einnig máli að skuldastaða heimila batnaði á árinu 2012 miðað við fyrra ár.
