Nú liggja fyrir niðurstöður desembermánaðar úr tekjukönnun Samtaka ferðaþjónustunnar og Hotelbenchmark.com.
Rúmlega 17% samdráttur hefur orðið á hótelnýtingu milli ára í Reykjavík en herbergjanýting lækkaði úr 43% í tæp 36% og má benda á mikla aukingu hótelherbegja í Reykjavík í því sambandi.
Í fréttabréfi SAF kemur fram að tekjur fyrir framboði herbergi í Reykjavík drógust saman um 15,7% milli ára (REV PAR).
Á landsbyggðinni var þessu hinsvegar öfugt farið. Þar jókst herbergjanýtingin um 45%, fór úr tæpum 13.8% í 20%. Tekjur fyrir framboði herbergi (REV PAR) jukust hins vegar á landsbyggðinni um 9%.
Tekjurnar urðu ekki meiri á landsbyggðinni þrátt fyrir mikla aukningu á nýtingu.
Skýringin felst í lægra meðalverði herbergis. Meðalverð á herbergi á landsbyggðinni í desember 2006 var 7.467 krónur en í desember í ár 5.610 krónur.