Nýja sjálenska flugfélagið Air New Zealand hefur ákveðið að byrja vigta alla farþega áður en þeir stíga um borð í millilandaflug.
Upplýsingarnar verða ekki persónugreinanlegar og mun starfsfólk flugfélagsins getað séð þyngd hvers og eins farþega.
Þyngd farþega verður skráð nafnlaust í gagnabanka svo flugfélagið getur notað upplýsingar til að reikna út meðalþyngd farþega og bæta þannig eldsneytisnýtingu.
Flugfélagið vigtaði farþega fyrir millilandaflug síðast árið 2021 en Nýja Sjáland hélt Covid-lokunum sínum lengur til streitu en flest önnur lönd.
„Nú þegar millilandaflug eru komin aftur á fullt skrið er kominn tími til að vigta farþega á ný,“ segir í tilkynningu frá flugfélaginu en BBC greinir frá.
„Við vitum að það getur verið óvænlegt að stíga á vigtina en við viljum tryggja að farþegar okkar geri sér grein fyrir að vigtin birtist ekki neins staðar,“ segir Alastair James talsmaður flugfélagsins.
Farþegar geta neitað því að láta vigta sig fyrir ef þeir vilja ekki taka þátt í útreikningum flugfélagsins.
