Ekki er útilokað að Seðlabankinn taki út starfsemi tryggingamiðlara til rannsóknar vegna umsvifa þeirra eftir að gjaldeyrishöftin voru sett 2008. Grunur leikur á að tryggingamiðlarar hafi nýtt sér glufur til að fara á svig við reglur um gjaldeyrismál, að því er segir í Morgunblaðinu í dag.
Rifjað er upp í umfjöllun blaðsins að breyttar reglur um gjaldeyrismál tóku gildi 19. júní síðastliðinn en markmið þeirra er að stöðva það sem talið er óheimil söfnun sparnaðar erlendis.