*

laugardagur, 27. nóvember 2021
Erlent 30. janúar 2017 09:15

VW stærsti bílaframleiðandi heims

Útblástursskandall Volkswagen virðist ekki hafa haft mikil áhrif á bílaframleiðandann, sem er nú orðinn sá stærsti í heimi.

Ritstjórn
Hekla er með umboð fyrir Volkswagen á Íslandi.
Haraldur Guðjónsson

Þýski bílaframleiðandinn Volkswagen er orðinn sá stærsti í heiminum og tekur toppsætið af Toyta. Þetta er í fyrsta skiptið sem að Volkswagen nær fyrsta sætinu. Undanfarin fjögur ár, þá hefur Toyota haldið efsta sætinu. Þetta kemur fram í frétt BBC um málið.

Japanski bílaframleiðandinn seldi 10,2 milljón bíla á síðasta ári. Hins vegar skaut Volkswagen Toyota ref fyrir rass í fyrra og seldi eina 10,3 milljón bíla í fyrra.

Fregnirnar af metsölu Volkswagen koma á nokkuð óvæntum tímapunkti, þar sem að bílaframleiðandinn hefur verið viðriðinn skandalamál tengt því að díselbifreiðar Volkswagen voru með með ólögleg útblástursforrit.