„Við ætlum til Ameríku á næsta ári,“ segir Svanhvít Friðriksdóttir, upplýsingafulltrúi Wow air. Stjórnendur flugfélagsins ákváðu fyrir stuttu að hætta við fyrirhugað flug þar sem Isavia hafði ekki úthlutað flugfélaginu nauðsynlega brottfarartíma í Keflavík.
Skúli Mogensen, forstjóri Wow air, bætir því við í samtali við viðskiptablaðið, að ekki væri hægt að segja til um það hvenær vélar Wow air fari að fljúga vestur um haf.
„Ég get ekkert sagt um það. en við ætlum til Ameríku,“ segir hann.
